Balajangan Bakamih

Nang dua laki bini ini haur bahaharatan haja dirumah. Tapi setiap kali baadu kahebatan nang laki kalah tarus pang.
Banyanyamanan baulah wadai, pasti nyaman nang bini.
Banyanyamanan bamasak, pasti nang laki kalah jua.
Pokoknya handak samuaan bidang lakinya kalah, apalagi urusan bamamai nang bini tupang juaranya, banyanyaringan, balalawasan bamamai sampai substansinya bininya tupang nang manang.
Lawas pang lakinya bapikir mancari apa kira-kira nang bininya kada kawa mangalahakannya alias nang inya pasti menang.
Akhirnya dapat jua pang inspirasi, pas inya kahandakan bakamih di perjalanan, laluai inya tapikir.
" Naaa.. pasti amun aku bawalai lomba balajangan bakamih, biniku kada harapan menang" jar inya dalam hati.
Limbah sampai dirumah langsung aja inya bakuciak... " Umanyaa...!!!
"Apa abahnya...?
" Nang sabuting ini ikam kada harapan menang baadu lawan diaku !.
" Bah apa pulang abahnya ini ? kada mau mangaku kalah... ada aja nang diusahakannya supaya kawa mangalahakan bini.
"Kita balajangan Bakamih , pasti ikam kalah..!! jar nang laki.
"Apa !!??? nang bini takajut.. " Ada-ada aja abahnya ini ..
"Ayu ja ikam kada harapan menang abahnyaai...
" Ha..ha..ha......aaaaa, lakinya atatawa banar.
"Mana ada babinian kawa mangalahakan lalakian balajangan bakamih,?
" Ayu ja abahnyaai... tapi ikam jangan culas bahlah... sesuaiakan aturannya.
" O.. amun itu tanang aja", jar lakinya.
" Ayo kita mulai ...!! ." Ikam dulu manya ai nang bakamih.
Merasa disuruh badahulu, bininya bapacul salawarai.. dan langsung badiri babirangkang bakamih sing derasan.. tangan sidin sambil maingkuti kapala.. nang kaya ditodong koboy lawan pistol, dan hasilnya diukur dapat kurang lebih semeter kelo pada sidin badiri.
Uma laki sidin lucut banar tatawa dan merasa kahimungan, "nyataai aku sudah nang menang ", jar lakinya.
"Ui...ui.. jangan himung " dulu jar bininya.
"Lakasi giliran ikam nang bakamih, poasti kada kawa jauh kaya aku" jar bininya pulang.
Merasa diremehakan lakinya langsung mambuka salawar, dan bakamih sambih marahakan pistolnya kamuka, " Eh.. hadang dulu " jar bininya.
"Aku tadi bakamih tanganku maingkuti kapalaku, jadi ikam kada bulih maingkuti pistol ikam, tangan kaatas jua alias maingkuti kepala kaya aku" jar bininya.
Merasa indah culas tapaksaai lakinya malapas pistolnya, sekalinya langsung lintuk kabawah ingkang arah pistolnya, dan banyu kamihnya pas gugur di bawah ingkang, pistolnya lintuk kada kawa maarahakan sorang kajauh. Limbah diukur sakalinya 20 cm aja pada lakinya badiri.
Baluncat-luncatai bininya kahimungan , sebab menang pulang baadu lawan lakinya.
" Uma ...kalah pulang lah aku " jar lakinya. He....